FRÅ KYSTDIREKTORATET: Frå
venstre: Roar Johanson, Ola Stenvågnes, professor Svein Fjell
(innleigd til kystdirektoratet) og prosjektleiar Øystein
Linnestad (FOTO: John Breivik)
NRK vil kome med eit større team for å gjere opptak 24. og
25.september i eit opplegg som involverer både redningsskøyter
og andre farty. Stadtunnelen vil vere hovudsaka i ei sending
som på denne tida av året har kring ein halv million sjåarar
over heile landet.
I tillegg er det posiive tonar frå Kystdirektoratet. På ei
høyring i Ålesund i går, vart lagt fram status i høve til ei
pågåande utgreiing der kystverket skal lage eit fagleg
beslutningsgrunnlag i høve til Stad skipstunnel. Kystdirektør
Kirsti Slotsvik tidfesta at ein tidlegast kan få byggjestart i
2013-2014 på grunn av prosedyre, framdrift og prioriteringar.
– For første gog har eg høyrt Kystdirektoratet seie når og
ikkje viss når dei snakkar om Stad skipstunnel, seier John
Breivik i Vanylven Vekst,
Kystverket har også gjennomgått eit konsept med alternativ
plassering og høgde, der dei vurderer 35 meter høg tunnel. Då
vil 85% av trafikken kunne passere gjennom tunnelen, mot 77%
med dagens prosjekterte storleik. I dette prosjektet skal også
framleggjast ei behovsanalyse med tanke på å avdekke kva behov
det er for Stad skipstunnel, kven som er interessentar i
prosjektet , trafikkale behov, ringverknader for turisme og
regional utvikling, og få fram eventuelle motsetningsforhold.
Dette forprosjektet skal vere ferdig til 15 oktober og då skal
dei også ha gjennomført ei høyring mot Vestlandsrådet, fylke
og kommunar i høve til utgreiinga.
|
| |
