Rapporten "Sjøverts stamnett" er ei utgreiing om transporten langs kysten fram til 2040.

Naturgitte fordelar

Noreg kan relativt enkelt utnytte sine naturgitte fordelar til å skape ein motorveg til sjøs, seier Harald Tronstad, distriktssjef for Kystverket Midt-Noreg. Dette kan gjerast ved å sprengje vekk hindringar under vatn slik at leia blir djupare, breiare og rettare. På den måten gjer ein plass for dei nye båttypane som kjem, båtar som er større, raskare og krev meir effektivitet i hamnene. Det overordna målet er tryggleiken langs kysten. Kystverket har hatt særleg fokus på risikotrafikken og næringslivets behov for rask og trygg transport.

 

 

Knutepunkthamner

Overføringa av gods frå veg til sjø gjer at det må tenkjast på heilskaplege transportløysingar, heiter det i rapporten. Fire hamner i fylket blir foreslått som viktige knutepunkt mellom landverts og sjøverts trafikk: Ålesund (Flatholmen), Kristiansund (Devoldholmen), Nyhamna i Aukra og Tjeldbergodden i Aure.

(NRK)