På Yrkesmessa i Herøy 2007  som gjekk av stabelen 25-26 Januar var ordførar Goksøyr i Herøy  innom standen for Offshore skip.

Underteiknande deltok på standen som informatør til ungdommen som var innom standen. 

Då Ordføraren frå Herøy kom innom vart han gjort kjend med at Sjøoffisersforbundet har fronta eit støtteskriv for utbygging av Stadt Skipstunnel på vegne av dei tre sjømanns-organisasjonane til Statsminister, Samferdselsdep. og Fiskeridepartementet.

Underteiknande sit i styre til Sjøoffisersforbundet. 

Ordføraren syntest at det var positivt nok, men han undra seg over at han ikkje hadde vorte informert om kva Vanylven skulle bruke denne utbygginga til. Vanylven kommune må kome på bana og fortelje dei andre kva denne tunnelen/prosjektet skal brukast til. På meg virka det som at Herøy kommune synest at dette store prosjektet er ei sak for Vanylven åleine, og at ein i Herøy ikkje har behov for eit sånt prosjekt.

Eg vart nærast stum. 

Herøy kommune er vel kan hende  den største fiskerikommune i landet, med mykje transport av fisk langs kysten. Verdien eksportnæringa fiskeria representerer  er den andre største real - næringa i Nasjonen. Transporten langs kysten mellom fiskerianlegga vert utøvd av fartøy som av storleik  er av den mest utsette for været over havstykke på Stadt-havet.

Oppdrettsnæringa med sin transport, av både levande og daud fisk, er av desse som er mest hjelpte med  trygg seilas, og eit hurtigbåtsamband mellom Molde-Stavanger vert realisert igjennom ein Stadt Skipstunnel.  Dette er faktum

 Når vi først er inne på temaet kommunikasjon.

Området Sør-Trøndelag - Stavanger står for ein hovuddel for bygging av utstyr til offshorenæringa på verdsbasis, og ein stor hovvuddel innan dette fagområdet ligg i området Ålesund - Hareidlandet – Florø. Som kjent for alle finst der ikkje ryddig kommunikasjon anten veg eller annan kommunikasjon i ytre delen av dette området, altså; der trengst mest.

I staden er det igongsatt eit tunnel prosjekt på tvers av denne retninga, med ein tunnel som er så bratt og smal/lav at ein treng nærmast ein stor traktor for klare vegstrekninga, har du hengar på traktoren, vil du få vanskar.

Tidsbesparinga til å køyre denne nye vegstrekninga vil verta minst dobla både i tid og slitasje for tungtransporten i forhold til ei hurtigare ferje, samtidig som ein auka trafikkuhellrisikoen mykje grunna smal/bratt vegbane for tungtrafikken.

 Kanskje burde Vanylven igongsetje ein slags informasjons kampanje i media for å påvirke kunnskapen om eit naudsynt og betre vegsamband over den delen av landskapet i nord-syd retning. Men at denne oppgåve skal falle mest på Vanylven kommune er noko underleg, eg synes at ein i felleskap saman med andre må ta ansvar for dette inn mot sentrale styresmakter.

Harald Søvdsnes - Eidså